एजेन्सी– दिल्ली सरकारले चलाएको एक अस्पताल बुधबारबाट बन्द गरिएको छ । त्यहाँका एक चिकित्सकमा कोरोना भाइरस संक्रमण देखिएपछि अस्पताल बन्द गरिएको हो । 

दिलशाद गार्डेनमा रहेको दिल्ली सरकारले चलाएको अस्पतालका ओपिडी तथा अन्य सेवाहरु बन्द गरिएको छ । त्यहाँका चिकित्सकलाई अब क्वारेन्टाइनमा राखिएको छ । 

अस्पतालका अधिकारीहरुले ती चिकित्सकलाई उनका आफन्तहरुबाट कोरोना संक्रमण भएको हुनसक्ने बताएका छन् । 

दिल्लीमा पछिल्लो समय १२० जना कोरोना संक्रमित भेटिएका छन् । त्यहाँ दुई जनाको मृत्यु भइसकेको छ । दिल्लीको निजामुद्दीनमा एकै पटकमा १२० जनाभन्दा बढी कोरोना संक्रमित भएको हुनसक्ने आशंका गरिएको छ । तर, यसबारे परीक्षणको रिजल्ट आइसकेको छैन ।