भारतको पिजिआईमा कोरोना वार्डमा भर्ना भएर उपचार गराइरहेकी कनिका कपुरमा अझै पनि कोरोना भाइरस संक्रमण देखिएको छ । उनको यो पाँचौ पटक गरिएको परीक्षण थियो । यस्तो रिपोर्ट आएसँगै कनिकाले त्यहाँका चिकित्सकहरुसँग सल्लाह गरेकी छिन् । उनको स्वास्थ्यमा क्रमिक सुधार त देखिएको छ तर भाइरस अझै पनि उनको शरीरमा छ । 

यस्तो रिपोर्ट आएपछि उनको खानामा परिवर्तन गरिएको त्यहाँका चिकित्सकले जनाएका छन् । उनमा रोग प्रतिरोधात्मक क्षमता बढाउनका लागि खानपानमा परिवर्तन गरिएको हो ।

अब उनलाई भिटामिन, प्रोटिन तथा कार्बोहाइड्रेटको मात्र बढाएर दिन थालिएको छ । उनमा ज्वरो, खोकी तथा रुघा चाहिँ देखिएको छैन ।