कोरोना भाइरसका कारण अहिले विश्व त्रसित छ । भारतमा पनि यो भाइरसका कारण निकै धेरै समस्या देखिने निश्चित छ । भारतमा दैनिक कोरोना संक्रमितको संख्या बढिरहेको छ । 

यहीबीच विभिन्न भारतीय कलाकारहरुले कोरोनाविरुद्ध लड्न केही पैसा दिएर सहयोग गरिरहेका छन् । अब यसमा जोडिएकी छिन् कंगना रनौट पनि । उनले भारतका प्रधानमन्त्री नरेन्द्र मोदीले बनाएको कोषमा २५ लाख भारतीय रुपैयाँ सहयोग गरेकी छिन् । साथासाथै आफूले दैनिक मजदूरी गर्नेलाई पनि सहयोग गरेको उनले जानकारी दिएकी छिन् ।