एजेन्सी– भारत सरकारले नयाँ एप लन्च गरेको छ । विश्व कोरोना भाइरसबाट प्रताडित भएको यो समयमा आएको भारतीय एपले पनि कोरोना भाइरस संक्रमितसँग नजिकै भएको जानकारी अर्को व्यक्तिलाई दिन्छ । 

आरोग्य सेतु नामको यो यापले ब्लूटुथ र लोकेसन डाटा प्रयोग गर्ने बताइएको छ । अनि यसले कोही व्यक्ति तपाईंको नजिकै भएको र उसलाई कोरोना भाइरस संक्रमण रहेको रहेछ भन्ने जानकारी दिन्छ ।

यो एपले पहिले थाहा भइसकेका कोरोना संक्रमितको डाटा लिने र त्यहीअनुसार जानकारी दिने बताइएको छ ।

यो एपले नाम, नम्बर पब्लिक नगर्ने र लिंग तथा विदेश यात्राबारे जानकारी पनि ट्र्याक नगर्ने बताइएको छ ।