एजेन्सी– चीनको हुबेई प्रान्तले कोरोना भाइरसविरुद्ध लड्दा ज्यान गुमाएका स्वास्थ्यकर्मीलाई आफ्नो देशको शहिदको सूचीमा राख्ने निर्णय गरेको छ । त्यहाँ १४ जना स्वास्थ्यकर्मीले कोरोना भाइरसविरुद्ध लड्दा ज्यान गुमाएका थिए ।

उनीहरुमध्ये ली वेनलियाङ पनि छन् । गत डिसेम्बरमा यो महामारी सुरु हुनुभन्दा केही अगाडि मात्रै उनले आफ्ना सहकर्मीहरुलाई यसबारे बताएका थिए । उनका तस्वीर र भिडियो विश्वभर भाइरल भएको थियो । 

तर, उनले अफवाह फैलाएको भन्दै चिनियाँ प्रहरीले उनलाई चेतावनी दिएको थियो । उनको पछि कोरोना भाइरस संक्रमण भएपछि नै निधन भएको थियो । त्यसपछि चीनमा र बाहिर पनि चिनियाँ सरकारको कदमको चर्को आलोचना भएको थियो ।