भारतको छत्तिसगढको राजधानी रायपुरमा एक महिलाले कोरोना भाइरसको महामारीबीच जुम्लयाहा बच्चालाई जन्म दिएकी छिन् । अहिले दुनियाँमा आतंकको पर्याय बनेको कोरोना भाइरसको महामारीबीच जन्मिएका छोरा र छोरीलाई उनले नाम पनि यहीसँग सम्बन्धित दिएकी छिन् । रायपुरको पुरानो बस्तीमा बस्ने विनय बर्मा र प्रीति बर्माले आफ्नो जुम्ल्याहा बच्चालाई यो नाम दिएको भारतीय मिडिया हिन्दुस्तान टाइम्समा उल्लेख गरिएको छ । 

प्रीतिले एक साताअघि जुम्लयाहा बच्चालाई जन्माएकी हुने । दुई दिन पहिले यी दुईको नाम कोभिड र कोरोना राखेको उने जानकारी दिएकी छिन् । उनले छोराको नाम कोभिड र छोरीको नाम कोरोना राखेकी छिन् । तर, सामाजिक सन्जालमा यसलाई लिएर धेरैले आलोचना गरेका छन् । 

इन्डियन एक्सप्रेसमा पनि यसबारे रिपोर्ट छापिएको छ । इन्डियन एक्सप्रेसले त त्यहाँको अस्पतालका चिकित्सकसँग कुराकानी गरेर दुवै बच्चाको स्वास्थ्य राम्रो भएको समेत उल्लेख गरेको छ ।