एजेन्सी– अमेरिकी राष्ट्रपति डोनाल्ड ट्रम्पले फेरि कोरोना परीक्षण गराएका छन् । यसअघि पनि उनले कोरोना भाइरसको परीक्षण गराएका थिए ।
यसअघिको जस्तै यसपटक पनि अमेरिकी राष्ट्रपति ट्रम्पमा कोरोना भाइरस देखिएको छैन । अन्तर्राष्ट्रिय सन्चारमाध्यमका अनुसार ह्वाइट हाउसमा कोरोना संक्रमित व्यक्तिसँग बोल्दा पनि कोरोना संक्रमण हुनसक्छ भन्ने बिफ्रिङ दिएपछि ट्रम्पले दोस्रो पटक कोरोना संक्रमणको परीक्षण गराएका थिए ।
यसअघि उनको चिकित्सकीय टिममा एक जनालाई कोरोना संक्रमण देखिएपछि उनले परीक्षण गराएका थिए । त्यसो त, ब्राजिलका एक उच्च पदस्थ अधिकारीलाई पनि ट्रम्पलाई भेटेर गएपछि कोरोना भाइरस संक्रमण देखिएको थियो । तर, ब्राजिलका राष्ट्रपति बोल्सोनारोलाई कोरोना देखिएको थिएन ।
उनले आफूले केही समयअघि आजै याे टेस्ट गरेकाे र यसका लागि १५ मिनेटमात्र लागेकाे पनि बताए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।