एजेन्सी– बेलायतमा ७ हजारदेखि २० हजारसम्म मानिसको मृत्यु हुनसक्ने अनुमान गरिएको छ । कोरोना भाइरसका संक्रमित दैनिक बढिरहेको समयमा बेलायतबाट यो अनुमान त्यहाँका वरिष्ठ सरुवा रोग विशेषज्ञले गरेका हुन् ।

बिबिसीका एन्ड्र्यु मारसँग कुरा गर्दै प्रोफेसर निल फर्गुसनले भनेका छन्, ‘बेलायतमा ७ हजारदेखि २० हजारसम्म मानिसको मृत्यु हुनसक्छ ।’ उनले अहिले भइरहेको लकडाउनले त्यहाँ केही राम्रो प्रदर्शन गरेको र कोरोना भाइरस संक्रमण रोकिन सक्ने अनुमान पनि बढिरहेको बताएका छन् ।

अब १० दिन अझ बढी संवेदनशील हुनु पर्ने उनले जानकारी दिएका छन् । ‘हामीले यसलाई कसरी लिन्छौँ भन्ने पनि हो,’ उनले भनेका छन् ।