नेपालको छैटाैँ तथा बाग्लुङकी दोस्रो कोरोना संक्रमित ६५ वर्षीया महिलाको परिवारका कुनै पनि सदस्यमा कोरोना भाइरसको संक्रमण नभएको पुष्टि भएको छ ।
बाग्लुङ नगरपालिका–३ गौँडाकोटस्थित आफ्नै घरमा बस्दै आएकी संक्रमित महिलाको परिवारका चार सदस्यको पश्चिमाञ्चल क्षेत्रीय अस्पताल पोखरामा गरिएको स्वाब परीक्षणको रिपोर्ट नेगेटिभ आएको स्वास्थ्य कार्यालय बाग्लुङका प्रमुख सुरज गुरौले जानकारी दिए ।
बिहीबार कोरोना संक्रमणको पुष्टि भएपछि शुक्रबार धौलागिरि अञ्चल अस्पतालका स्वास्थ्यकर्मीको टोली घरमै पुगेर संक्रमित महिलाका ८८ वर्षीय ससुरा, कान्छी बुहारी र दुई नाति गरी चारजनाको स्वाब संकलन गरेर शनिबार बिहान परीक्षणका लागि पोखरा पठाइएको थियो ।
यसअघि नेपालका पाँचौँ संक्रमित बाग्लुङ नगरपालिकाकी किशोरीको परिवारका सातजना सदस्यको पनि रिपोर्ट नेगेटिभ आएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
