चेक रिपब्लिकका प्रधानमन्त्री एन्ड्रेज बेबिसले उनको देशले फ्रान्सका कोभिड १९ का संक्रमितलाई उपचार गर्ने बताएका छन् । फ्रान्सले सहयोग माग गरेकाले आफूहरुले यो निर्णय लिएको उनले बताएका छन् ।
सामाजिक सन्जालमा लेख्दै उनले फ्रान्समा अहिले कोरोनाभाइरस कारण उत्पन्न भएको परिस्थितिलाई अलिक सहज बनाउन यो गर्न लागिएको बताएका हुन् ।
‘फ्रान्सले हामीसँग सहयोग मागेको छ,’ उनले भनेका छन्, ‘हामीसँग अहिले उनीहरुलाई सहयोग गर्ने अवस्था छ, हामी सहयोग गर्छौँ ।’
त्यसो त चेक रिपब्लिकमा पनि ४५४३ जनामा कोभिड १९ देखिएको छ । त्यहाँ अहिलेसम्म ६७ जनाले कोभिड १९ का कारण ज्यान गुमाउका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।