एजेन्सी– छिमेकी मुलुक भारतमा कोरोनाभाइरस संक्रमितको संख्या दैनिक बढिरहेको छ । पछिल्ला २४ घन्टामा त्यहाँ ६ सयभन्दा धेरै संक्रमित भेटिएका छन् । अनि अब भारतमा कोरोना संक्रमितको संख्या ४०६७ पुगेको छ । कोभिड १९ का कारण त्यहाँ मृत्यु हुनेको संख्या पनि ११० पुगेको छ ।
भारतमा अहिले सबैभन्दा धेरै कोरोनाभाइरस संक्रमित महाराष्ट्रमा भटिएका छन् ।
अर्कोतिर, मुम्बईको उक अस्पतालमा २६ नर्स तथा तीन डाक्टरलाई नै कोरोनाभाइरस संक्रमण भएको पुष्टि भएको छ ।
नर्स र चिकित्सकहरुलाई नै कोरोना संक्रमण देखिएपछि अस्पताललाई प्रतिबन्धित क्षेत्र घोषणा गरिएको छ । अस्पतालमा कसैलाई पनि जान दिइएको छैन ।
समाचार एजेन्सी पिटिआईका अनुसार महाराष्ट्रमा मात्र अहिलेसम्म ४५ जनाको मृत्यु भइसकेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।