काठमाडौं– संयुक्त अरब इमिरेट्सको दुबईमा काम गर्ने एक नेपाली महिलाको कोरोना भाइरस संक्रमणका कारण मृत्यु भएको छ । 

४० वर्षीय यी महिलाको निधन शुक्रबार भएको थियो । तर, उनको कोरोना परीक्षणको नतिजा आइसकेको थिएन । सोमबार अस्पतालले दिएको नतिजाअनुसार उनको निधन कोरोना संक्रमणबाट भएको हो । 

नेपालमा बुटवल घर भएकी यी महिला त्यहाँ घरेलु कामदारका रुपमा कार्यरत थिइन् । उनी १० वर्षदेखि दुबईमा बस्दै आएको बताइएको छ ।