कोरोनाभाइरसका कारण अहिले विश्व ठूलो समस्यामा छ । अनि विश्वका विभिन्न देशमा कलाकारहरुले पनि कोरोनाभाइरसविरुद्धको लडाईंमा सहयोग गरिरहेका छन् । 
भारतीय कलाकार पनि अपवाद छैनन् । 

अब आमिर खान पनि यही सूचीमा अटाएका छन् । अर्थात् उनले भारत सरकारलाई यो लडाईंमा सहयोग गरेका छन् ।

उनी आफैंले त सहयोगबारे केही बताएका छैनन् । तर, उनको संस्थाले केही फन्ड सरकारलाई ट्रान्सफर गरेको भारतीय मिडियामा समाचार छ ।

रिपोर्टहरुका अनुसार उनले भारतीय प्रधानमन्त्रीले बनाएको कोषमा पैसा दिएका छन् । तर, कति ? यसबारे चाहिँ उनले मुख खोलेका छैनन् ।