दाङ– दाङमा करेन्ट लागेर एकजनाको मृत्यु भएको छ । तुलसीपुर उपमहानगरपालिका–१८ बिजौरीका ३७ वर्षीय बलबहादुर थापाको मृत्यु भएको इलाका प्रहरी कार्यालय तुलसीपुरका प्रवक्ता चक्र डम्बर पालले जानकारी दिए ।

थापा बिहीबार नालामा करेन्ट लगाएर माछा मार्दै थिए । करेन्ट लागेर गम्भीर घाइते भएका थापाको राप्ती प्रादेशिक अस्पताल तुलसीपुरमा निधन भएको हो । थापाको शवलाई राप्ती प्रादेशिक अस्पतालमा पोष्टमाटमका लागि राखिएको छ ।