नवलपरासी– पूर्वी नवलपरासीमा कोरोनाभाइरस संक्रमणको आशंकामा क्वारेन्टाइनमा बसेका ६६ जना घर फर्किएका छन् । उनीहरुमा कोरोनाभाइरस संक्रमण नभएको पुष्टि भएपछि उनीहरु घर फर्किएका हुन् । 

त्यहाँ ८२ जना क्वारेन्टाइन्मा बसेका थिए । अब १६ जना अहिले पनि क्वरेन्टाइनमा छन् । यी १६ जना काठमाडौंबाट पैदल नवलपरासी पुगेका थिए ।

नवलपुरमा मात्र शुक्रबारसम्मको तथ्यांकअनुसार ८ सय ६० जना विदेशबाट आएका थिए । तीमध्ये जम्मा ८२ जना क्वारेन्टाइनमा बसेका थिए । अरुमा पनि कोरोनाभाइरसको लक्षण नदेखिएको बताइएको छ ।

नवलपुरमा कोरोनभाइरस संक्रमण भएको आशंकामा २० जनाको स्वाब परीक्षण पनि गरिएको थियो । तर, कसैमा पनि कोरोनभाइरस पोजेटिभ देखिएन ।