महेन्द्रनगर– अब सुदूरपश्चिमका सबै जिल्लामा कोरोनभाइरसको ¥यापिड टेस्ट सुरु भएको छ । 

यसअघि अरु सबै जिल्लामा सुरु भएको र्यापिड टेस्ट बझाङ र दार्चुलामा पनि सुरु भएपछि सबै जिल्लामा र्यापिड टेस्ट सुरु भएको हो । प्रादेशिक निर्देशनालयले दिएको जानकारीअनुसार अब सुदूरपश्चिमका सबै जिल्लामा केही दिनमा नै र्यापिड टेस्ट सकिनेछ ।

सुरुमा त्यहाँका स्थानीय तहका क्वारेन्टाइनमा राखिएकाहरुले परीक्षण गरिने र दोस्रो चरणमा होम क्वारेन्टाइनमा बसेकाहरुको परीक्षण गरिने बताइएको छ । अनि त्यसपछि अन्यमा पनि परीक्षण गरिने जनाइएको छ ।

सुदूरपश्चिममा अहिलेसम्म ४ जना कोरोनासंक्रमित भेटिएका छन् । भारतबाट ठूलो संख्यामा नेपाल भित्रिएका मानिसहरु त्यहाँ बसेकाले सुदूरपश्चिममा कोरोनाभाइरस संक्रमितको संख्या अझ बढ्न सक्ने बताइएको छ ।