धादिङ– धादिङको क्वारेन्टाइनाबाट ५७ जना घर फर्किएका छन् । कोरोनाभाइरस संक्रमण फैलिन नदिन धादिङमा विदेशबाट आएका र अन्य आशंका गरिएका संक्रमितलाई क्वारेन्टाइनमा राखिएको छ । 

धादिङमा मात्र पछिल्लो सय ५ सयभन्दा बढी विदेशबाट आएको अनुमान गरिएको छ । तीमध्ये ९३ जनालाई त्यहाँको क्वारेन्टाइनमा राखिएको थियो । यीमध्ये ५७ जना घर फर्किएका हुन् ।

अब बाँकी ३६ जनामा कोही घरमै क्वारेन्टाइनमा बसिरहेका पनि छन् । 

अन्य जिल्लामा क्वारेन्टाइनमा बसेकाहरुको र्यापिड टेस्ट गर्ने गरिए पनि धादिङमा चाहिँ १४ दिने क्वारेन्टाइनपछि उनीहरुलाई कुनै टेस्ट नगरी घर पठाइएको छ । त्यहाँबाट एक जनाको स्वाब परीक्षणका लागि टेकु पठाइएको थियो । उनको रिपोर्ट नेगेटिभ आएको छ । क्वारेन्टाइनमा बसेका अरुमा पनि कुनै जटिल समस्या नदेखिएको अधिकारीहरुले जानकारी दिएका छन् ।