एजेन्सी– बेलायतमा कोरोनाभाइरस संक्रमणबाट ठिक भएका व्यक्तिहरुको रगत अन्य संक्रमितलाई दिएर कोभिड १९ को उपचार गर्ने तयारी सुरु भएको छ ।

एनएचएसको रगत तथा प्रत्यारोपण विभागले कोभिड १९ बाट ठिक भएका व्यक्तिहरुलाई रक्तदान गर्न अनुरोध गरिसकेको छ । उसले यो रगतबाट नै अन्य कोरोनाभइरस संक्रमितको उपचार गर्न सकिने विषयमा ट्रायल गर्न यो अनुरोध गरेको हो । 

कोरोनाभाइरस संक्रमित भएका व्यक्तिको रगतमा कोरोानभाइरसविरुद्धको एन्टीबडी भेटिने र त्यसले कोरोनासँग लड्न सहयोग गर्ने विश्वास आफूहरुले लिएको एनएचएसले जनाएको छ ।

यही प्रोजेक्ट केही अघि नै अमेरिकामा सुरु भइसकेको थियो । अहिले त्यहाँका १५ सय अस्पतालले संयुक्त रुपमा यसमा काम गरिरहेका छन् ।