एजेन्सी– कोरोनाभाइरस संक्रमणका कारण सबैभन्दा बढी प्रभावितमध्येको एक युरोपेली देश स्पेनमा कोरोनाभाइरस संक्रमितको संख्या २ लाख नाघेको छ । त्यहाँको मन्त्रालयले जारी गरेको पछिल्लो तथ्यांकअनुसार अब स्पेनमा २ लाख २ सय १० जना कोरोनभाइरस संक्रमित भएका छन् ।

पछिल्लो २४ घन्टामा स्पेनमा ४ सयभन्दा धेरैको मृत्यु कोभिड १९ का कारण भएको छ । अब त्यहाँ कोभिड १९ का कारण मृत्यु हुनेको संख्या २० हजार ८ सय ५२ जना पुगेको छ । 

जोन्स हप्किङ्स विश्वविद्यालयका अनुसार अमेरिकापछि सबैभन्दा धेरै संक्रमित अब स्पेनमा देखिएका छन् ।