एजेन्सी– कोरोनाभाइरस संक्रमणको खतराका कारण जर्मनीमा यस वर्ष चर्चित बियर फेस्टिभल (अक्टोबरफेस्ट) स्थगित गरिएको छ ।
जर्मनीमा प्रत्येक वर्ष यो कार्यक्रम आयोजना हुँदै आएको थियो । यसमा ५० देखि ६० लाख मानिसहरुको सहभागिता हुने गरेको थियो । यस वर्ष यो चाड १९ सेप्टेम्बरबाट ४ अक्टोबरसम्म मनाउने कार्यक्रम रहेको थियो ।
बियर फेस्टिभल रोक्दा म्युनिखको अर्थतन्त्रमा ठूलो असर पर्ने बताइएको छ । समाचार एजेन्सी रोयटर्सका अनुसार यो फेस्टिभलबाट मात्र म्युनिखले प्रत्येक वर्ष १ बिलियन अमेरिकी डलर कमाउने गरेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।