चीनमा गत वर्षको डिसेम्बरको अन्त्यमा मानिसमा पहिलो पटक देखिएको कोरोनाभाइरसले अहिले विश्व प्रताडित भएको छ । तर, अब यो भाइरसको कहर चीनमा चाहिँ विस्तारै कम हुन थालेको छ । 

त्यहाँ लामो समयदेखि लकडाउन भएका सहरहरु खुल्न थालेका छन्, सडकमा गाडीहरु गुड्न थालेका छन् ।

तर, चीनले अझै पनि कोरोनाभाइरसबारे अध्ययन गर्न चाहिँ छोडेको छैन । 

यहीबीच चीनबाट एउटा आशालाग्दो समाचार आएको छ । त्यो चीनले बनाएको एउटा खोपले बाँदरलाई कोरोनाभाइरसबाट बचाएको छ । यो खोप बाँदरमा परीक्षण गर्दा सफल भएसँगै अब मानिसमा परीक्षण गर्ने तयारी रहेको छ ।

बेइजिङमा रहेको सिनोभ्याक बायोटेक कम्पनीले यो खोपको बाँदरमा परीक्षण गरेको हो । आठ बाँदरमा यो खोप ललगाउँदा ती बाँद्यदरको फोक्सोमा राखिएको कोरोनाभाइरसको मृत्यु भएको थियो । खोप लगाइएपछि बाँदरमा कोरोनाभाइरस हटेको पाइएको थियो ।

यो कम्पनीले दुई थरि खोप बनाएको बताएको छ ।

अब मानिसमा गरिने परीक्षणको नतिजा केही दिनमा आउने चिनियाँ सन्चारमाध्यमले जनाएका छन् ।