काठमाडौं– कोरोनाभाइरस संक्रमित चितवनका युवा पनि कोरोनाभाइरस मुक्त भएका छन् । २७ वर्षका यी युवाको दोस्रो परीक्षणमा पनि रिपोर्ट नेगेटिभ आएपछि उनलाई डिस्चार्जको तयारी गरिएको छ । उनी चितवनको राप्ती नगरपालिका ८ का हुन् । 

भरतपुर अस्पतालमा उपचार गराइरहेका यी युवा आमासँगै ८ चैतमा बेलायतबाट फर्किएका थिए । उनकी आमामा पनि कोरोनाभाइरस संक्रमण देखिएको छ । उनकी आमाको पछिल्लो रिपोर्ट पनि पोजेटिभ आएकाले उनलाई थप केही दिन अस्पतालमा नै राखेर उपचार गरिने जनाइएको छ । उनकी आमा ६३ वर्षकी हुन् ।

यी युवा ठिक भएसँगै नेपालमा १२ जनाले कोरोनाभाइरसलाई जित्ने छन् । अहिलेसम्म नेपालमा ४९ जनामा कोरोनाभाइरस संक्रमण भएको पुष्टि भएको छ ।