एजेन्सी– १४ मार्चपछि इटाली र स्पेनमा कोरोनाभाइरसका कारण भइरहेका दैनिक मृत्युमा सबैभन्दा कम आइतबार दर्ज गरिएको छ । इटालीको नागरिक सुरक्षा एजेन्सीले एक दिनमा २ सय ६० जनाको मृत्यु भएको जनाएको छ । त्यस्तै, स्पेनमा एक दिनमा २ सय ८८ जनाको मृत्यु रेकर्ड गरिएको छ ।

कोरोनाभाइरसका कारण अमेरिकापछि सबैभन्दा धेरै मृत्यु इटालीमा भएको छ । पछिल्लो तथ्यांकअनुसार अब इटालीमा कोरोनाभाइरसका कारण २६ हजार ६ सय ४४ जनाको मृत्यु भएको छ । 

स्पेन धेरै नागरिकको मृत्यु हुने देशको सूचीमा तेस्रोमा छ । अब स्पेनमा २३ हजार १ सय ९० जनाको मृत्यु भएको छ ।