२५ दिनदेखि सेती अस्पतालमा उपचार गराइरहेकी धनगढीकी महिलाको पाँचौ रिपोर्ट पनि पेजेटिभ आएको छ । ३४ वर्षकी यी महिलामा उनकै देवरबाट कोरोनाभाइरस संक्रमण भएको आशंका गरिएको छ । उनका देवर दुबईबाट फर्किएका थिए । यी युवा चाहिँ केही दिनअघि नै कोरोनालाई जितेर घर फर्किएका छन् ।

सेती प्रादेशिक अस्पतालले दिएको जानकारीअनुसार उनको पाँचपटक परीक्षण गर्दा पनि कोरोनाभाइरस संक्रमण देखिएको हो ।

उनलाई पूर्ण रुपमा ठिक नभएसम्म अस्पतालमा नै राख्ने र पिसिआर परीक्षण गरिरहने सेती प्रादेशिक अस्पतालले जनाएको छ । रिपोर्ट पोजेटिभ आए पनि उनको स्वास्थ्य अवस्था सामान्य रहेको छ ।