एजेन्सी– बलिउडका चकलेटी हिरो तथा बलिउडका सोम्यान समेत भनिने अभिनेता तथा निर्देशक राज कपुरका छोरा अभिनेता ऋषि कपुरको बिहिबार निधन भएको छ । उनको निधन क्यान्सरका कारण भएको हो । उनलाई दुई वर्ष अगाडि नै क्यान्सर भएको पत्ता लागेको थियो ।
बुधबारमात्र बलिउडका चर्चित अभिनेता इरफान खानको पनि क्यान्सरकै कारण निधन भएको हो । खानलाई न्युरोइन्डोक्राइन क्यान्सर भएको थियो ।
सन् २०१८ मा क्यान्सरको उपचार गर्नका लागि ऋषि कपुर न्युयोर्क गएका थिए । केही महिना त्यहाँ उपचार गरेपछि उनले क्यान्सरलाई जितेको भनिएको थियो । उनी सन् २०१९ मा भारत फर्किएर आए ।
उनलाई ल्युकेमिया अर्थात् रगतकाे क्यान्सर भएकाे थियाे ।
तर, भारत आएपछि उनलाई लगातार अस्पताल जानु परेको थियो । फ्रेबुअरीमा उनी दुई पटक अस्पतालमा भर्ना भइसकेका थिए ।
उनको निधनसँगै बलिउड स्तब्ध भएको छ । अभिनेता अमिताभ बच्चनले आफू टुटेको भन्दै ट्विट गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।