बलिउड अभिनेता ऋषि कपुरको बिहीबार विहान निधन भयो । ६७ वर्षको उमेरमा यो दुनियाँलाई अलविदा भनेका यी अभिनेताको निधन मुम्बईको एचएन रिलायन्ड फाउन्डेसन अस्पतालमा भएको हो । 

भारतीय मिडिया पन्जाब केसरीमा आएको समाचारअनुसार ऋषिको छातीमा यसपटक समस्या देखिएको थियो । उनलाई ज्वरो पनि आएको थियो र सास लिन समस्या परेको थियो ।

त्यसैले उनलाई अस्पताल भर्ना गरिएको थियो । पन्जाब केसरीले अस्पताल स्रोतको हवाला दिँदै लेखेको छ– उनलाई कोरोनाभाइरस भएको आशंका पनि गरिएको थियो । 

यी सबै लक्षण देखिएकाले अब उनको स्वाबबाट कोरोनाभाइरस संक्रमणको परीक्षण गरिने बताइएको छ ।