धनगढीमा कोरोनाभाइरस संक्रमित ३४ वर्षीया महिलाको छैटौं रिपोर्ट पनि पोजेटिभ आएको छ । २२ चैतमा उनलाई कोरोनाभाइरस संक्रमण भएको पुष्टि भएको थियो ।

२८ दिनदेखि सेती प्रादेशिक अस्पतालमा उपचाररत उनको छैटौं रिपोर्ट पनि पोजेटिभ देखिएपछि उनको उपचार अस्पतालमा नै राखेर गरिने भएको छ । 

यी महिलाको परिवारका अन्य एक सदस्यलाई पनि कोरोनाभाइरस संक्रमण भएको थियो । उनी नाताले उनका देवर थिए । उनी दुबईबाट फर्किएका थिए । उनी चाहिँ उपचारपछि स्वास्थ्यलाभ गरेर घर फर्किइसकेका छन् । 

नेपालमा कोरोनाभाइरस संक्रमणमा यो नै पहिलो कम्युनिटी ट्रान्समिसन थियो ।