Sun, 12 Jul, 2020


सेनाले फेलापार्यो तीन महिनाअघि हिमपहिरोमा पुरिएका सातैजनाको शव
फरकधार / बैशाख २०, २०७७

काठमाडौं– नेपाली सेनाले कास्कीमा तीन महिनाअघि गएको हिमपहिरोमा पुरिएका सातैजनाको शव फेला पारेको छ । 



सो स्थानमा गत माघ ३ गते हिमपहिरो गएको थियो । हिमपहिरोमा परी ३ जना नेपाली गाइड र ४ जना कोरियन पर्यटकहरु पुरिएका थिए । तीमध्ये २ जना नेपाली गाइड र ३ जना कोरियन पर्यटकको शव पहिल्यै फेला परिसकेका थिए । 

एकजना नेपाली र एकजना कोरियन नागरिकको शव शुक्रबार सोही स्थानमा फेला परेको हो । सातै जनालाई मृत फेला पारिएको नेपाली सेनाले जनाएको छ । 

सेनाको पश्चिम पृतना हेडक्वाटरको समन्वयमा पोखरास्थित सेकेण्ड रेञ्जर बटालियनबाट परिचालित टोलीले वैशाख १९ गते शुक्रबार दुई शव फेला पारी शनिबार पोखरा स्वास्थ्य विज्ञान प्रतिष्ठानमा ल्याइपुर्याएको हो ।


फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक ट्विटरमा पनि जोडिन सक्नुहुन्छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्