पछिल्लो समय विश्वलाई समस्यामा पारेको कोरोनाभाइरस महामारीलाई सही तरिकाले नियन्त्रणमा लिएको भनेर जर्मनीको व्यापक प्रशंसा भइरहँदा जर्मनीमै चाहिँ अब प्रदर्शन सुरु हुन थालेको छ । 

जर्मनीले लगाएको लकडाउन केही खुकुलो बनाइसके पनि म्युनिखमा सडकमा मानिसहरुले नाचेर सरकारले लगाएको लकडाउनको विरोध गरेका छन् । 

त्यसका लागि उनीहरुलाई त्यहाँकी स्थानीय नेता कथारिना स्कुल्जेले सहयोग गरेकी छिन् । 

तर, यो विरोध प्रदर्शनमा पनि प्रदर्शनकारीले सामाजिक दूरी कायम गरेको प्रहरीले जनाएको छ । जर्मनीले सोमबारबाट यसअघि लगाएका प्रतिबन्धहरुलाई विस्तारै खोल्दै लगेको छ ।