यसअघि कोरोनाभाइरस मुक्त भइसकेको भनेर डिस्चार्ज गरिएका वीरगन्जमा दुई जनामा फेरि कोरोनाभाइरस देखिएको छ । उनीहरुलाई यसअघि १४ वैशाखमा ठिक भएको भन्दै फर्काइएको थियो । 

३० चैत र १ वैशाखमा कोरोनाभाइरस पुष्टि भएपछि उनीहरुको उपचार गरिएको थियो । डिस्चार्ज भएको एक सातापछि उनीहरुलाई कोरोनाभाइरस परीक्षण गर्न फेरि बोलाउँदा उनीहरुमा कोरोनाभाइरस संक्रमण देखिएको हो । 

एक भारतीय मुस्लिम समुदायका व्यक्ति र १९ वर्षका एक युवामा कोरोनाभाइरस देखिएकको थियो । 

अब उनीहरुलाई फेरि आइसोलेसनमा राखिएको छ ।

नेपालमा अहिलेसम्म ८२ जनामा कोरोनाभाइरस संक्रमण देखिएको छ । यीमध्ये १६ जना ठिक भएका भनिएको थियो ।