काठमाडौं– विश्व स्वास्थ्य संगठन (डब्लुएचओ)ले कोरोना प्रभावित मुलुकले संक्रमण व्यवस्थापनमा सावधानी नअपनाए पुनः लकडाउनमा फर्किनुपर्ने चेतावनी दिएको छ । राष्ट्रसंघले बुधबार यस्तो चेतावनी दिएको हो । 

कोरोना प्रभावित मुलुकलाई अत्यन्तै सावधानीपूर्वक र चरणबद्ध रुपमा कोरोनाको व्यवस्थापन गर्न सुझाब दिँदै संगठनले विश्वका मुलुकहरूले पछ्याउनुपर्ने कदमहरु प्रस्तुत गरेको छ । 

संगठनका प्रमुख टेड्रोस अडानोम गेब्रियससले प्रस्तुत गरेको सुझाबमा निगरानी नियन्त्रण र स्वास्थ्य प्रणालीको तयारीलगायत सुझाब समावेश छन् ।

उनले कोरोना संक्रमणको खतरा अझै रहेकाले स्वाभाविक लयमा फर्किन सम्भव नभएको बताउँदै उनले स्वास्थ्य प्रणालीमाथिको लगानीमा जोड दिए ।