सप्तरीमा हात्तीको आक्रमणबाट एक महिलाले ज्यान गुमाएकी छिन् । शम्भुनाथ नगरपालिकाका २ की ३८ वर्षीया जानकी मगरको हात्तीको आक्रमणबाट मृत्यु भएको हो । 

घरमा हात्ती प्रवेश गरेपछि जानकी उनका श्रीमानसँगै बाहिर भागेकी थिइन् । तर, भाग्दै गर्दा हात्तीले उनलाई आक्रमण गरेको उनका श्रीमानले बताएका छन् । 

त्यसपछि घाइते भएकी उनलाई उपचारका लागि राजविराजस्थित गजेन्द्रनारायण सिंह अस्पताल लगिएको थियो । तर, उनलाई अस्पताल पुग्ने वित्तिकै चिकित्सकले मृत घोषणा गरे । 

हात्तीले शम्भुनाथका अन्य दुई घर पनि भत्काएको छ ।