सिंगापुरको एक पार्कमा आजभोलि एउटा कुकुर जति बेलै बसिरहेको हुन्छ । तर, यो जीवन भएको कुकुर होइन । यो ट रोबोट कुकुर हो । 

यो स्पट रोबोट हो जसलाई रोबोटिक्स कम्पनी बोस्टन डायनमिक्सले बनाएको हो । 

सिंगापुरको सरकारी एजेन्सी गवटेकका अनुसार यो कुकरलाई सामाजिक दूरीको पालना भए नभएको हेर्नका लागि अनुबन्धन गरिएको छ । तर, केही मानिसहरुले यसले दुःख दिएको आवाज उठाउन थालेका छन् । 

सामाजिक सन्जालमा अब उनीहरुले लेख्न थालेका छन्– छिट्टै अब रोबोटले हामीमाथि राज गर्नेछ ।

तर, यो रोबोटले कसैको पिछा गर्ने चाहिँ होइन । यसमा त एउटा रेकर्ड गरिएको सन्देश बजिरहेको हुन्छ । अनि यसमा एउटा क्यामेरा पनि फिट गरिएको छ । यसबाट पार्कमा आएका मानिसहरुमाथि निगरानी गर्न सकिन्छ ।