जनता समाजवादी पार्टीका नेता तथा पूर्वराज्यमन्त्री डा. सुरेन्द्र यादवालाई ‘अपहरण’गरेर काठमाडौं ल्याइएको विषयमा अब प्रहरीले छानबिन सुरु गरेको छ । सरकारी वकिलको कार्यालयले पठाएको उजुरीअनुसार प्रहरीले यसबारे छानबिन सुरु गरेको हो ।

यही छानबिनको क्रममा प्रहरीले पूर्वआइजिपी सर्वेन्द्र खनालका चालकसँग बयान लिएको छ । बयानमा खनालका चालक शिव तामाङले सांसद सुरेन्द्र यादव राजीखुसी काठमाडौं आएको दाबी गरेका छन् । 

यो घटनामा संलग्न भएका नेकपा सांसद महेश बस्नेत र किसान श्रेष्ठसँग पनि प्रहरीले सोधपुछ गर्ने तयारी गरेको छ । डा. यादवले आफूलाई अपहरण गरिएको भन्दै सरकारी वकिल कार्यालयमा मुद्दा दायर गरेका थिए ।