लकडाउन खुलेको दुई सातामा नै माध्यमिक शिक्षा परीषा (एसइई) लिने तयारी सरकारले गरेको छ । शिक्षा, विज्ञान तथा प्रविधि मन्त्रालयले लिखित परीक्षा लिएपछि मात्र एसइईले कानुनी मान्यता प्राप्त गर्ने भन्दै एसइई लिनै पर्ने बताएको छ । 

यसअघि ६ चैतबाट हुने भनिएको एसइई परीक्षा कोभिड १९  का कारण स्थगित भएको थियो । 

त्यसपछि विभिन्न सरोकारवाला निकायहरुले यसपटकको एसइई परीक्षा नलिए पनि हुने बताउँदै आएका थिए । अब शिक्षा मन्त्रालयले यस्ता अभिव्यक्ति नदिन पनि अनुरोध गरेको छ । यस्ता भनाइले विद्यार्थीलाई अन्योल सिर्जना गरेको भन्दै मन्त्रालयले यस्तो स्पष्टीकरण दिएको हो ।

मन्त्रालयका अधिकारीहरुले विद्यार्थीहरुलाई एसइईका लागि तयार भएर बस्न पनि अनुरोध गरेका छन् ।