देशमा कोरोनाभाइरस संक्रमणबाट बच्नका लागि गरिएको लकडाउन कति प्रभावकारी र कति फलदायी भन्ने विषयमा अब प्रश्न उठ्न थालेका छन् । सोमबार त प्रतिनिधिसभामा नै सांसदले लकडाउनको विरोध गरे । 

जुम्लाका सांसद गजेन्द्र महतले लकडाउनका कारण समस्या परेको र धेरै मानिसको अवस्था दयनीय भएको बताएका हुन् । उनले मानिसलाई कोरोनाभाइरसबाट लुकाएर राख्न नसकिने पनि बताए । 

‘तपाईंहरु लकडाउनले ठूलो राहत दिएको महसुस गरिरहनु भएको होला’ उनले भने, ‘हामीले त थला परेको महसुस पो गरेका छौँ ।’

उनले कोरोनाभाइरसलाई फेस गरेर जुध्नु पर्ने पनि बताएका छन् । ‘कोरोनाबाट मान्छेलाई लुकाएर कति साध्य हुन्छ,’ उनले भने, ‘योसँग त हामीले जुध्नु पर्छ ।’