दाङ– लकडाउन अवज्ञा गरेको आरोपमा दाङको तुलसीपुरबाट प्रहरीले २१ व्यापारीलाई पक्राउ गरेको छ ।

प्रशासनले अत्यावश्यकीय खाद्य वस्तु खरिदका लागि बिहान ६ देखि ९ बजेसम्म पसल खोल्न पाइने जनाएको थियो । तर, कस्मेटिक, कपडा, हार्डवेयर, इलेक्ट्रिक, छापाखानासमेत खोलेको भन्दै प्रहरीले २१ जनालाई पक्राउ गरी हिरासतमा राखेको हो ।

पटक–पटक अनुरोध गर्दासमेत अटेर गरेर पसल खोलेको र भिड बढाएर कोरोना संक्रमणको जोखिम बढाएको भन्दै उनीहरुलाई पक्राउ गरिएको प्रहरीले जनाएको छ । यसअघि पनि ९२ जनालाई पक्राउ गरेर छाडिसकेको छ ।