बेलायतमा अस्पताल र केयर होम्सहरुमा कोरोनाभाइरसका कारण मृत्यु हुनेको संख्या अब ३३ हजार १ सय ८६ पुगेको छ । यो अघिल्लो दिनको भन्दा ४ सय ९४ ले बढी हो । 

बेलायतको स्वास्थ्य मन्त्रालयको जानकारी अनुसार अब त्यहाँ दैनिक कम्तिमा पनि ८७ हजारको परीक्षण भइरहेको छ ।

बेलायतमा अहिलेसम्म १५ लाख २२ हजारभन्दा धेरै मानिसको कोरोनाभाइरस टेस्ट भइरहेको छ । यसमा २ लाख २९ हजार ७ सय ५ जनामा चाहिँ कोरोनाभाइरस संक्रमण देखिएको हो ।