नारायणी अस्पतालमा कार्यरत एक नर्समा पनि कोरोनाभाइरस संक्रमण देखिएको छ । ३६ वर्षीया नर्सलाई कोरोनाभाइरस संक्रमण पुष्टि भएको हो । 

योसँगै नेपालमा कोरोना संक्रमित नर्सको संख्या ३ पुगेको छ । 

यसअघि कपिलवस्तु र भक्तपुरमा पनि नर्समा कोरोनाभाइरस संक्रमण देखिएको थियो । 

नारायणी अस्पतालमा कोरोना संक्रमण देखिएकी नर्समा कुनै लक्षण नदेखिएको बताइएको छ । अहिले नारायणी अस्पतालमा ७० जना कोरोनाभाइरस संक्रमित उपचार गराइरहेका छन् ।