शनिबार दिउँसो स्वास्थ्य मन्त्रालयले कपिलवस्तुमा तीन जना कोरोनाभाइरस संक्रमित भएको पुष्टि गर्यो । योसँगै कपिलवस्तुमा अहिलेसम्म ४२ जना कोरोनाभाइरस संक्रमित पुगेका छन् ।
कपिलवस्तुका यी पछिल्ला संक्रमित तीनै जना पछिल्लो समय भारतबाट आएको खुलेको छ । उनीहरु लकडाउनमा नेपाल भारत सीमा बन्द हुँदा लुकिछिपी नेपाल प्रवेश गरेका थिए ।
मन्त्रालयका अनुसार कपिलवस्तुमा पछिल्लो पटक २५, ३४ र ४४ वर्षका पुरुषमा कोरोनाभाइरस पुष्टि भएको हो । उनीहरु तीनै जना भारतको मुम्बईबाट आएका हुन् ।
भारतबाट आए पनि उनीहरुलाई घर जान दिइएको थिएन । उनीहरुलाई स्थानीय क्वारेन्टाइनमा राखिएको थियो ।
अब उनीहरुलाई दाङको आइसोलेसन अस्पतालमा पठाउने भइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।