बाँकेमा क्वारेन्टाइनमा रहेका र आइतबार विहान मृत्यु भएका युवामा पनि कोरोनाभाइरस संक्रमण देखिएको छ । उनको पिसिआर रिपोर्ट पोजेटिभ आएको जनाइएको छ । 

योसँगै नेपालमा कोरोनाभाइरसबाट मृत्यु हुनेको संख्या अब २ पुगेको छ ।

यसअघि बिहीबार राति सिन्धुपाल्चोककी २९ वर्षीया एक महिलाले पनि कोरोनाभाइरसका कारण ज्यान गुमाएकी थिइन् ।

बाँकेका २५ वर्षीय यी युवाको आइतबार विहान अचानक निधन भएको थियो । उनी भारतबाट आएर क्वारेन्टाइनमा बसेका थिए । उनको अन्त्येष्टी पनि अब कोरोनाभाइरसका कारण मृत्यु हुनेको अन्त्येष्टी जसरी गरिने भएको छ ।