नेपालमा कोरोनाभाइरस संक्रमण फ्रन्टलाइनमा रहेका स्वास्थ्यकर्मीमा पुष्टि हुने क्रम बढ्दो छ । केही दिनअघि पहिलो पटक कपिलवस्तुमा एक नर्समा कोरोनाभाइरस संक्रमण भएको पुष्टि भएको थियो । उनी घरबाट नै अस्पताल जाने र आउने गरेकी थिइन् । उनलाई अस्पतालमा नै कोरोनाभाइरस संक्रमण भएको पुष्टि भएको थियो । 

त्यसलगत्तै सर्लाहीकी एक नर्सलाई पनि काठमाडौंमा कोरोनाभाइरस संक्रमण भएको पुष्टि भएको छ । उनी काठमाडौंकै एक अस्पतालमा कार्यरत थिइन् । 

वीरगन्जमा पनि कोरोनाभाइरस संक्रमितको उपचारमा नै खटिएकी अर्की एक नर्समा पनि कोरोनाभाइरस संक्रमण भएको पुष्टि भइसकेको छ । 

आइतबार थपिएका तीन जना कोरोनाभाइरस संक्रमितमध्ये एक जना धनकुटाकी ३६ वर्षकी नर्स भएको पनि खुलेको छ । योसँगै नेपालमा कोरोनाभाइरस संक्रमित नर्सको संख्या मात्र चार पुगेको छ ।