सरकारका कमजाेरी ढाकछोप गर्ने नीति तथा कार्यक्रम: प्रकाशमान सिंह
फरकधार / ५ जेठ, २०७७
फाइल तस्वीर ।

नेपाली कांग्रेसका नेता प्रकाशमान सिंहले आज दिउँसो  बसेको प्रतिनिधिसभाको बैठकमा सरकारले आफ्ना कमी कमजोरी ढाकछोप गर्न यति ठूलो नीति तथा कार्यक्रम ल्याइएको बताए ।  



उनले भने, ‘बुँदा नम्बर २७ मा भ्रष्टाचारसम्बन्धी कार्यक्रम उल्लेख छ, जुन हास्यास्पद छ ।’

उनले हिजो कालिमाटीमा घनश्याम झालाई नेपाली सेनाबाट गरिएको दुव्र्यवहारप्रति संकेत गर्दै सरकारले जनताको अपमान गरेकोमा आपत्ति जनाए । त्यस्तै, ६.३ प्रतिशत आर्थिक वृद्धिदर तीन वर्षदेखि उस्तै रहेको बताए ।  उनका अनुसार सरकारले विकास खर्च गर्न सकेको छैन । सरकारले लक्षित ऋण ३१ प्रतिशतभन्दा बढी उठाउन नसकेको टिप्पणी उनको थियो ।

मिचिएका लिपुलेक, लिम्पियाधुरा र कालापानी समेटेर नक्सा बनाउने सरकारको योजना कार्यान्वयन गर्न उनले सरकारलाई सुझाव दिए । उनले दस्तावेजको महत्त्व प्रकाश पार्दै भने, ‘बिपी कोइरालाले चीनको भ्रमण गर्दा सगरमाथा नेपालकै हो भनेर पेस गर्नुभयो । त्यसबेला चिनियाँ अलमलमा पर्‍याे यसबारे पछि निर्णय गरौँला भन्यो र २०१७ सालमा तहल्कै मचियो ।’



  • प्रकाशित मिति : जेठ ५, २०७७ साेमबार १३:३९:५६,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यो सामग्री सेयर गर्नुहोस्


यो पनि नछुटाउनुहोस्
मल्टिमिडिया