बाँकेमा आज ४७ जनामा एकै दिन कोरोनाभाइरस संक्रमण भएको पुष्टि भएको छ । यीमध्ये ४६ जना पुरुष हुन् भने एक जना महिला हुन् ।

उनीहरु सबै जना नरैनापुर गाउँपालिकाका भएको खुलेको छ । 

नरैनापुर त्यही ठाउँ हो जहाँ आइतबार २५ वर्षका युवाले कोरोनाभाइरासका कारण ज्यान गुमाएका थिए ।

नरैनापुरका क्वारेन्टाइनमा भएका सबैको कोरोना परीक्षण गर्दा उनीहरुको पोजिटिभ आएको जिल्ला जनस्वास्थ्य कार्यालय बाँकेका नरेश श्रेष्ठले फरकधारलाई जानकारी दिएका छन् ।

भारतसँग सीमा जोडिएको यो गाउँपालिकामा भारतका फर्किनेहरुको निकै ठूलो संख्या छ ।