नेपालमा अब कोरोनाभाइरस संक्रमित संख्या ४ सय २ पुगेको छ । मंगलबार एकै दिन थप २७ जना कोरोनाभाइरस संक्रमित थपिएसँगै नेपालमा कोरोनाभाइरस संक्रमितको संख्या ४ सय नाघेको हो । 

स्वास्थ्य तथा जनसंख्या मन्त्रालयका अनुसार आज काठमाडौंमा तीन जना, भक्तपुर र ललितपुरमा एकएक जनामा कोरोनाभाइरस संक्रमण पुष्टि भएको हो ।

झापामा ९ जना, मोरङ र सुनसरीमा एकरएक जना, सर्लाहीमा २ जना, मनवानपुर र रामेछाप, सिन्धुली र लमजुङमा पनि एक एक जना कोरोनाभाइरुस संक्रमित भएको पुष्टि भएको हो । 

योसँगै सिन्धुली, लमजुङ र रामेछापमा पहिलो पटक कोरोनाभाइरस संक्रमित भेटिएका छन् । अब कोरोनाभाइरस संक्रमित नेपालका ३६ जिल्लामा भेटिएका छन् ।