बुधबार विहान रुपन्देही र कपिलवस्तुमा थप १३ जनामा कोरोनाभाइरस संक्रमण देखिएको छ । योसँगै नेपालमा कोरोनाभाइरस संक्रमितको संख्या ४ सय २० पुगेको छ ।

भैरहवामा गरिएको परीक्षणमा १३ जनामा कोरोनाभाइरस संक्रमण भएको पुष्टि भएको हो । यीमध्ये १२ जना कपिलवस्तु र एक जना रुपन्देहीका युवाहरु छन् । 

उनीहरु अहिले विभिन्न स्थानका क्वारेन्टाइनमा भएको जनाइएको छ ।

उनीहरु सबै केही समयअघि भारतबाट नेपाल आएका थिए । 

नेपालमा योसँगै ४ सय २० जनामा कोरोनाभाइरस संक्रमण भएको छ । तीमध्ये ३७ जना निको भएका छन् । ३ जनाले कोरोनाभाइरसका कारण ज्यान गुमाएका छन् ।