विश्व स्वास्थ्य संगठनले पछिल्लो समय कोरोनाभाइरस झन् तीव्र गतिमा फैलिइरहेको बताएको छ । संगठनले अहिले तत्काल विश्वले यो कोरोनाभाइरस महामारीबाट मुक्ति नपाउने पनि बताएको छ ।

संगठनका अनुसार पछिल्लो २४ घन्टामा १ लाख ६ हजार मानिस कोरोनाभाइरसबाट संक्रमित हुनु एकै दिनको सबैभन्दा बढी संक्रमित भएको पनि जनाएको छ । यसले गर्दा दैनिक रुपमा कोरोनाभाइरस बढ्दै गएको निष्कर्ष विश्व स्वास्थ्य संगठनले निकालेको हो ।

संगठनका निर्देशक टेड्रोसले अहिले धनी देशहरु विस्तारै लकडाउनबाट बाहिर निस्किन खोजिरहेको तर संक्रमण गरिब राष्ट्रहरुमा अझ बढी फैलिइरहेको बताएका छन् ।