Sun, 05 Jul, 2020


कोरोनाभाइरसः पछिल्लो २४ घन्टामा सबैभन्दा धेरै संक्रमित भेटिएका विश्वका चार देश
फरकधार / जेठ ८, २०७७

पछिल्लो २४ घन्टामा विश्वभर कोरोनाभाइरस संक्रमितहरु १ लाख ६ हजारभन्दा बढी भेटिए । कोरोना महामारी फैलिएपछि एकै दिनमा यति धेरै संक्रमित भेटिएको यो पहिलो पटक हो । 



विश्व स्वास्थ्य संगठनका अनुसार विश्वभर पछिल्लो २४ घन्टामा नयाँ संक्रमित सबैभन्दा बढी चार देशमा भेटिएका छन् । यी चार देशमा ७५ प्रतिशत र अन्यमा अरु संक्रमित भेटिएको संगठनले जनाएको छ ।

संगठनका अनुसार ती चार देश हुन्– अमेरिका, रुस, ब्राजिल र भारत ।

अर्कोतिर विश्व स्वास्थ्य संगठनले विश्वलाई अहिले कोरोनाभाइरस संक्रमण समाप्तितर्फ भएको नसोच्न पनि चेतावनी दिएको छ । धनी देशमा अहिले लकडाउन खोल्ने चरण सुरु भएको तर गरिब देशमा कोरोनाभाइरस झन् द्रुत गतिमा फैलिएको विश्व स्वास्थ्य संगठनले जनाएको छ ।

ल्याटिन अमेरिकी देश ब्राजिल अब यो महामारीको नयाँ केन्द्रका रुपमा आइरहेको छ । जहाँ संक्रमितको संख्या बेलायतको भन्दा पनि बढी भइसकेको छ ।

अर्कोतिर युरोपमा पनि कोरोनाको दोस्रो लहर देखिन सक्ने चेतावनी स्वास्थ्य संगठनले दिएको छ।


फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक ट्विटरमा पनि जोडिन सक्नुहुन्छ ।


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्