गुल्मीका ४१ वर्षीय कोरोना संक्रमितको निधन भएको छ । उनको बुटवलमा रहेको क्रिमसन अस्पतालमा उपचार भइरहेको थियो । बिहीबार विहान उनको निधन भएको अस्पतालले जनाएको छ ।
योसँगै नेपालमा कोरोनाभाइरसका कारण ज्यान गुमाउनेको संख्या ३ पुगेको छ ।
गुल्मीको मदाने गाउँपालिकामा शिक्षण पेशामा आवद्ध उनको आज विहान ७ बजेर १० मिनेट जाँदा निधन भएको अस्पतालले जनाएको छ ।
प्रदेश ५ का सामाजिक विकास मन्त्रालयका स्वास्थ्य महाशाखा प्रमुख डा. उमाशंकर प्रसाद चौधरीले पनि यसको पुष्टि गरेका छन् । अब उनले शव व्यवस्थापनको तयारी चलेको बताएका छन् ।
यसअघि बुधबार पनि अस्पतालका सन्चालकले उनको मृत्यु भएको बताएका थिए । तर, दिउँसो अस्पतालले विज्ञप्ति जारी गर्दै उनको मृत्यु नभएको जनाएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।