गत साउन महिनामा विवाह गरेकी बेनपा–३ की २१ वर्षीया एक युवतीले घाँस काट्न जंगलमा गएको बेला बिहीबार घर नजिकैको जङ्गलमा घाँस काट्न गएको अवस्थामा आफ्नै सलले घाटीमा पासो लगाएर झुण्डिइन् । म्याग्दी बहुमुखी क्याम्पसमा स्नातक तह प्रथम वर्षमा अध्ययनरत उनको मृत्युले गाउँ नै स्तब्ध छ ।

सोमबार बेनपा–७ मंगलाघाटबाट एक महिलाले म्याग्दी खोलामा हाम फालेर ज्यान फालिन् । कुस्मा नगरपालिका–१ राजाको बगरमा भेटिएको महिलाको शव मंगलबार भेटियो । महिलाको शव पोष्टमार्टम गर्न नपाउँदै मंगलबार नै पश्चिम म्याग्दीको धवलागिरी गाउँपालिका–३ मुना २२ वर्षीय युवा घरको दलिनमा डोरीमा बेरिएको अवस्थामा परिवारले भेटाए ।  

एक हप्तामै म्याग्दीमा तीन जनाले आत्महत्या गरेका छन् । म्याग्दीमा डरलाग्दो सामाजिक समस्याको रूपमा देखिएको आत्महत्याको पछिल्लो घटनामा खोलामा हाम फालेकी महिला मानसिक रोगी भए पनि अन्य दुई जनाले आवेगमा आएर मृत्यु रोजेको हुनसक्ने अनुमान गरिएको र पोष्टमार्टम रिर्पोट र थप अनुसन्धान बाँकी रहेको प्रहरी नायब उपरीक्षक किरणजंग कुँवरले बताए ।